1. Tað finst ein vón,
sum brennur djúpt í mær,
hon veitir megi mitt í sorg og sút.
Ein bjartan dýrdarglotta
trúareygað sær,
sum rekur ivan út.
Í Kristusi mín synd er bøtt,
hann kemur aftur, kemur skjótt.
Mín djúpi longsil og mín hjartans trá
er tær at vera hjá.
2. Tað finst ein vón,
sum lívgar byrðað bróst,
ein troystarkelda fyri tunglynt sinn.
Í heimsins djúpa myrkri
vónin ger alt ljóst,
har jesus sleppur inn.
Í líðing nú, í ótta tá,
hann dirvi gav at halda á,
ja, tryggur í hans ørmum eri eg
– teir heim nú bera meg.
3. Tað finst ein vón,
sum royndir lívsins stóð,
sum hevjar eygað upp um grøv og deyð,
har eg skal skoða hann,
sum leið og læt sítt blóð,
og dýrdina, hann beyð.
Tá endar sorg og líðing svár,
og turkað verður burt hvørt tár.
Mín sál skal kenna sanna gleði, gleim,
tí hon er komin heim!
#Z. Zachariassen týddi
Skriva viðmerking