Hvat er tað at hava frið?

Nøkur vildi sagt; at friður er, tá eingin larmur er ella tá tøgnin ræður eina løtu. Onnur vildu sagt; at friður, er tá eingin klandur og stríð er. Ein triði kundi tikið til, at nei; friður er, tá vit eru frí frá pínu og kvøl.

– Ja, so er. Hetta er eitt slag av friði. – Ein friður, sum heimurin kann geva okkum.

Eg njóti hendan frið sjálv viðhvørt, tá eg komi heim frá arbeiði ella fái linnan av høvuðpínu. Men sannleikiner, at hesin friðurin er stokkutur. Spurningurin er bara um tíð, so er friðurin úti. Stormurin brestur á aftur, og skjótt, so líða vit aftur undir pínu ella sjúku. Okkara likam er avmarkað í styrki og heimurin bindur ikki frið eina løtu.

 

Hvar finna vit sannan frið

Hvar kann okkara troytta sál finna frið í larminum, tá børnini ella grannarnir rópa harðast?
Hvar kunnu vit søkja okkum skjól, tá familja og vinir klandrast og lond liggja í stríð hvørt við annað?
Hvar kunnu vit finna linna, tá likamið er bundið at pínu og kvøl?
Hvar er friður tá? Skýggjar friðurin okkum í okkara truplastu tíðum, í okkara myrkastu løtunum?

Kanska heimsins friður, men ikki Guds friður. Fyri Guds friði mugu stríð og plágur bara víkja.

Mika rópar: “um eg siti í myrkri, so er Gud ljós mítt.”

Dávid syngur í sálmunum: “Gud ger myrkur mítt ljóst… og um eg so skal ganga í dali deyðaskuggans, so óttist eg einki ilt..”

Jesus sjálvur segði: “Eg eri ljós heimsins, og tann, ið fylgir Mær skal ikki ganga í myrkri longur. Men fáa ljós heimsins… Frið Mín gevi Eg tykkum; ikki sum heimurin gevur, gevi Eg tykkum. Hjarta tykkara óttist ikki!”

Guds friður ber yvir alt

Bíblian lærir okkum, at Gud gevur okkum ein frið, sum ber yvir tann, sum heimurin gevur. Og at vit í okkara resi, stúranum, kunnu siga “Hey Gud.. hetta eru mínar stúranir og ynskir…”

Síðan gevur Gud okkum Sín frið, sum ber yvir alt. Hetta er nakað, sum kennist so torført at greið frá, men eg hugsi, at hendan myndin hjálpir væl. Likkan nýtir ein frið, hóast tað stormar har úti á sjónum. Á sama hátt, kunnu vit njóta Guds frið og ljós, hóast lívið stormar og myrkir kring okkum.

 

Filip. 4:6-7

Stúrið ongum fyri, nei, latið í øllum tað, sum tit ynskja, koma fram fyri Gud í ákallan og bøn við tøkk! So skal friður Guds, sum stígur upp um alt vit, varðveita hjørtu og hugsanir tykkara í Kristi Jesusi.

Tað nýggjasta á blogginum

Javnan koma video, bloggar og poddar (ljóðfílur) út. Her er nakað av tí, ið seinast er komið út á síðuna.
Óðansæð hvørji foreldrini eru, skal munur ikki gerast á børnunum

Óðansæð hvørji foreldrini eru, skal munur ikki gerast á børnunum

Hetta slagorðið sá eg fyri stutt síðan á Instagram "Óðansæð hvørji foreldrini eru, skal munur ikki gerast á børnunum."   Eftir, at eg hevði myrkalagt telefonina og lagt hana frá mær, bleiv eg við at hugsa um hesi orð. Eg hugsaði við mær sjálvari, at eg eri ikki eitt...

Fylg við

týsdagar

Prátið podcast kl.8:00

Fríggjadagar

Kreativ video og vlogar kl.8:00

Samband

Teldupostur

pp@vakurleiki.fo

Skriva viðmerking