- Ja, eplir kunnu vit læra nógv av.

#1 EPLI HALDA VÆL

Nú er seinasta høvið hjá mær at taka eplini upp, áðrenn seyðurin kemur aftur á bøin. Og hetta var dagsins fongur; “sandepl”, sum Hvalbingar rópa tað. Sum eg havi tikið hesi upp í dag, havi eg undrast á, hvussu undrunarverdur Gud er. Hann syrgir fyri okkum á hásummri, og eins væl á vetri, tá halt er fryst og avbitið.
 
– Visti tú, at eplir kunnu halda sær eitt heilt ár, um tey vera goymd turt, myrkt og kalt. Er tað ikki undurfult skapt? Hetta lítla epli, fylt í orku til okkum at liva av gjøgnum myrka veturin.
 
Jesus sigur í Matt. 6:30-34:
“Klæðir nú Gud so grasið á markini, sum stendur í dag og í morgin verður kastað í ovnin, skal Hann tá ikki mikið meiri klæða tykkum, tit trúarveiku!… Og himmalski Faðir tykkara veit, at tykkum tørvar alt hetta.
Nei, søkið fyrst ríki Guds og rættvísi Hansara! So skal alt hetta verða givið tykkum umframt!
Stúrið tí ikki fyri deginum í morgin! Dagurin í morgin skal stúra fyri sínum egna. Hvør dagur hevur nóg mikið í plágu síni.””

#2 EPLI HVÍLA...

– Visti tú av, at í mun til gularrøtur o.a. so eru eplir livandi aftaná tey eru tikin upp og fara í dvalu. Hiti og fugt kann fáa tey at spíra, tí goyma vit tey kalt og turt.
 
Eg síggi stóran lærdóm í hesum at vera sum eplir. Fylt í orku omanífrá frá Gudi gjøgnum Bíbliulesna og bøn, kunnu vit hvíla gjøgnum lívsins vetrar og stormar. Og eisini spíra til Hansara æru, so eisini onnur kunnu koma at kenna hann.

#3 MÓÐUREPLI DOYR…

– Visti tú av at móðurepli doyr og úr tí spíra nýggj? Tað lærdi eg í dag, og eg fór beint at hugsa um Jesus. Hann lat sítt egna lív, so vit gjøgnum hansara deyða kundu liva – fáa fyrigeving fyri okkara synd.
 
Tað stendur í Róm. 5:15
…mangan meir náði Guds og gávan komin í yvirflóð til hini mongu við náði hins eina mans, Jesu Krists.
– Ja, nakað so einfalt sum eplir – Guds skapanarverk – kunnu vit læra nógv av.
 
– Dina Jensdóttir Norðberg

Tað nýggjasta á blogginum

Javnan koma video, bloggar og poddar (ljóðfílur) út. Her er nakað av tí, ið seinast er komið út á síðuna.
Søgan um páskirnar

Søgan um páskirnar

Á páskum minnast vit at Jesus reis upp og livir í dag. Hetta er ein sera týdningarmikil dagur fyri okkum. Jóh.15:13 “Eingin hevur størri kærleika, enn at hann gevur lív sítt fyri vinir sínar.” Lukas 24:1-6: “Men fyrsta dagin í vikuni, tíðliga, í lýsingini, komu tær...

So var kalendarin 2024 her!

So var kalendarin 2024 her!

https://www.vakurleiki.fo/product/veggja-kalendarin-2024/   https://www.vakurleiki.fo/product/hond-kalendari-2024/

HVAT ERT TÚ TAKKSOM FYRI?

HVAT ERT TÚ TAKKSOM FYRI?

Hvat ert tú serliga takksamur fyri í dag? Í Jákupsbrævinum 1:17, eggjar hann okkum at hugsa um alt tað góða vit eiga og hava fingið. Eisini eggjar hann okkum at minnast til, at alt hetta er frá Gudi. Kanst tú nevna nakrar gávur: - Hús & heim - Familju & vinir...

Fylg við

týsdagar

Prátið podcast kl.8:00

Fríggjadagar

Kreativ video og vlogar kl.8:00

Samband

Teldupostur

pp@vakurleiki.fo

Skriva viðmerking